Non vemos oportuno nin razoable dende ningún punto de vista que non sexa o afán de satisfacer o ego do alcalde, endebedar ao concello en algo que agora mesmo non é prioritario sobre todo cando outras necesidades, que si son prioritarias, non están cubertas.
O rexidor municipal debería saber
que un bo goberno é aquel que sabe priorizar o gasto e invertir os cartos públicos, que son de
todxs xs veciñxs, en proporcionar os servizos básicos e mellorar a vida dos mesmos.
Neste momento é imposible calcular a cifra global que suporía a
ampliación da alameda, por iso continuar adiante co proxecto é unha temeridade. A cifra de 1,6 millóns de € é probable que non vaia a ser
suficiente para pagar as expropiacións, dado que o habitual e que os propietarios
recurran a oxustiprecio, e este adoita sentenciar en favor destes. Non esquezamos tampouco que a maiores, a este custe habería que engadirlle o preciso para acondicionar o terreo.
Baixo estas premisas, dende móvete preguntamoslle ao alcalde se sabe cal é a cifra global que nos vai costar aos estradenses a ampliación da Alameda? E cal é
exatamente o proxecto da mesma? Se non hai unha resposta clara e concreta a estas preguntas queda claro que o alcalde é un irresponsable dunha magnitude considerable.
Móvete proponlle ao rexidor en funcións que antes de dar un paso
máis avanzando cara un novo despropósito, teña en conta as obras
urxentes para garantir a mínima calidade de vida para todxs os
estradenses. Consideramos prioritario arranxar a rede de
abastecemento da auga da vila; a rede de saneamento rural;
a inversión nun verdadeiro centro de día onde os maiores
poidan pasar o día coa oportuna atención e coidados, e o desenvolmento de accións e políticas sociais destinadas a solventar as necesidades alimenticias ou de outra
índole pola que están a pasar cada vez máis veciñxs do Concello. Despois, ou en paralelo, se continúa obsesionado coa Alameda lembrámoslle que está non dispón de servizos públicos .
Ningún comentario:
Publicar un comentario