PROGRAMA ELECTORAL MÓVETE
Dende móvete consideramos como piares
imprescindibles para o cambio político e social que precisa o noso
concello a aplicación dunha política de
transparencia, que non significando
por si mesma un bo goberno, si que é un elemento fundamental para o
“bo goberno” e permite visualizar a xestión pública, técnica e
a apertura dos datos públicos. A meta é un goberno aberto, un novo
xeito de gobernar e unha nova forma de entender a relación entre o
goberno e a cidadanía á que serve.
A transparencia esixe un enfoque
transversal que ten implicacións organizativas. Combina aspectos
xurídicos, organizativos e de xestión do cambio, e supón
reformular todas as cuestións de fondo dentro do concello, cambios
culturais, de procesos e de modelo de organización.
A transparencia é precisa, ademais de por
todo o que xa adiantamos, porque sen ela non se pode dar unha
verdadeira participación cidadá, sen transparencia a participación
muda en manipulación. Se a cidadanía non dispón de toda a
información precisa para opinar, a súa resposta será parcial e non
terá validez.
Outro tanto pasa coa
participación cidadá, queremos
colaborar e dar o pulo definitivo e preciso para pasar da actual
democracia representativa, na que o cidadán acude as furnas cada
catro anos e entretanto está a expensas de que o político de turno
cumpra as súas promesas, a unha democracia
participativa e directa na que a
cidadanía teña realmente o poder decisorio en todos aqueles temas
do seu interese.
Con isto pretendemos acadar dous obxectivos
fundamentais, por unha banda que a xestión pública estea realmente
ao servizo do interese xeral e da cidadanía e por outra que esta se
implique e se sinta un actor máis dentro do proceso decisorio da
xestión municipal, co cal incrementarase o nivel de satisfacción da
mesma.
PROPOSTAS
CONCRETAS PARA O ÁMBITO DA TRANSPARENCIA
Algunhas das
propostas a destacar dentro da nosa política de transparencia na
loita contra o caciquismo e clientelismo actual son:
- Creación,
publicación e exposición de listas de contratación por sectores de
actividade.
- Exposición pública
dos orzamentos municipais .
- Utilización dun
tribunal externo ao concello en todas as oposicións que este
convoque.
PROPOSTAS
CONCRETAS PARA O ÁMBITO DA PARTICIPACIÓN CIDADÁ
-Involucrar
directamente aos sectores implicados ou consellos sectoriais na
elaboración de todas a políticas públicas que afecten aos seus
ámbitos de actuación.
-Dotar as asambleas
parroquiais da potestade de decidir sobre o uso ou finalidade da
partida presupestaria ou orzamento correspondente, así como
participar na súa elaboración.
O eido económico é un dos máis
importantes para un concello debido a que todas as demáis áreas
dependen en gran medida da boa marcha deste. Dende móvete
cremos que se pode acadar
un desenvolvemento sustentable e xerar postos de traballo que
garantan unha vida digna ás persoas do concello, aproveitando o
potencial da nosa terra en termos agrogandeiros e modernizando e
optimizando o proceso produtivo en todas as súas fases: producción,
transformación e comercialización.
Na área financieira
propiamente dita, trataremos dentro do posible, de financiar ao
concello e traballar con entidades o máis respectuosas posibles co
desenrolo sostible, con especial atencíon á chamada banca ética.
PROPOSTAS
CONCRETAS PARA O ÁMBITO DA ECONOMÍA, MEDIO RURAL E URBANISMO
-Impulsar dende o
concello a creación dunha cooperativa de producción agropecuaria
que aglutine aos produtores locais e deste xeito aproveitar as
sinerxias e as vantaxes da unión de forzas e medios na procura de
novos mercados.
-Apostar por dar
saída aos produtos primarios e xerar a industria precisa para a
transformación destes produtos en todos os seus posibles derivados,
creando deste xeito unha cadea de diferentes postos de traballo.
-Creación dunha
oficina agroforestal no concello que asesore sobre os tipos de
cultivo máis convintes e as tećnicas maís apropiadas para
optimizar o proceso produtivo. Así mesmo crear un grupo de
certificación forestal que permita aos veciños incrementar o seu
beneficio na venda de madeira certificada.
-Dignificar o
traballo no rural facilitando axs traballadorxs deste ámbito o
disfrute dos mesmos dereitos que ao resto dxs traballadorxs, por
exemplo creando un servizo de substitución.
-Elaborar proxectos
de saneamento en todo o territorio para que, na medida do posible, se
incrementen os servizos ofertados no rural.
-Promover o uso das
madeiras locais nas sinalizacións.
-Establecer un
regulamento que especifique claramente os puntos de alumeado público
no rural, para entre outras cousas, eliminar o símbolo da política
clientelar local.
-Aumento da
superficie industrial a disposición dos empresarios que xeneren
postos de traballo de calidade.
-Creación dun fondo
para participar en proxectos agrogandeiros de promoción particular.
-Estudio da
viabilidade de traballar, na medida do posible, coa chamada Banca
Ética e no seu caso con aquelas entidades que apoien proxectos
sostibles é unha economía sustentable e respectuosa co entorno
social e natural.
-Auditoría da débeda
do concello e estudio da mellor fórmula para reducir o pago de
intereses .
-Xestión directa dos
impostos municipais.
Para móvete
é prioritario
que dende o Concello se atendan as demandas que se engloban dentro da
área social e que abarcan aos maiores, á infancia, ás persoas con
discapacidade ou ás persoas que atravesan unha situación de
dificultade económica ou de calquera outra índole. Isto quere dicir
que cubrir estas necesidades se considerara algo tan básico coma o
servizo de augas ou a recollida do lixo. As
propostas que dende móvete levaremos a cabo na próxima lexislatura
nesta área de goberno están encamiñadas a garantir a igualdade e a
integración social de todxs xs veciñxs da Estrada.
PROPOSTAS CONCRETAS PARA O AḾBITO DAS
POLÍTICAS SOCIAIS
-Impulsar a creación
dunha cooperativa que xestione os servizos sociais coma o servizo de
axuda no fogar, e que atenda as diversas demandas dos usuarios: apoio
á hixiene, acompañamento fora do fogar, limpeza, enfermería,
estimulación sensorial cognitiva.
-Por en marcha as
medidas necesarias para a creación dun centro de día na “Casa das
Colonias”.
-Establecemento
dun local social para as persoas maiores nas antigas instalacións
do INEM, local social onde poderán reunirse e facer diversas
actividades que vaian no camiño do envellecemento activo.
-Establecer programas
de envellecemento activo.
-Atención á
infancia máis alá do horario da gardería para conciliar a vida
laboral e familiar.
-Servizo de
prevención en drogodependencias.
-Talleres de
actividades lúdico-festivas como alternativas de ocio.
-Programa para
mulleres que sufren violencia de xénero e asistencia psicolóxica
tanto para elas, coma para os seus fillos e outras posibles vítimas.
-Programa de atención
para homes con problemas de control de violencia no ámbito familiar.
-Impulsar programas
de educación para a saúde dirixidos a enfermos crónicos.
-Elimininación das
barreiras arquitectónicas.
-Habilitar unha serie
de medidas encamiñadas a rematar coa precariedade laboral no noso
Concello e garantir os dereitos dos traballadores.
Para móvete a
educación, a nosa mocidade, a defensa da nosa identidade cultural,
da nosa língua e garantir que as xeracións futuras poidan contar
cun medio ambiente que lles permita desenvolver a súa vida con toda
a plenitude, son parcelas fundamentais e imprescindibles no noso
ideario político de cara a acadar unha sociedade máis igualitaria e
xusta.
PROPOSTAS CONCRETAS
PARA O ÁMBITO DO ENSINO
-Convertir A Estrada
nunha cidade
educativa
e formar parte de dita plataforma que coordina a administración e os
colexios, adquirindo así o compromiso coa educación, innovación,
posta en marcha de proxectos participativos e xornadas temáticas
dentro do ámbito educativo.
-Aumento
das becas-comedor.
-Aumento das becas para material escolar.
-Fomento de actividades de animación á
lectura.
-Ampliar horario da biblioteca durante a
época de exames.
-Defender a educación pública.
-Ofertar cursos de primeiros auxilios a
profesorado, familiares… nos centros educativos.
PROPOSTAS CONCRETAS
PARA O ÁMBITO DA MOCIDADE
-Establecemento da Casa
da Xuventude nas instalacións do Palacio de Congresos e exposicións.
A xente nova precisa dunhas instalacións amplas nas que poñer en
práctica diversas actividades do seu interese e que abarquen
diferentes ámbitos: deportivas; musicais (espazo habilitado para que
poidan tocar diferentes instrumentos); organización de charlas e
cursos sobre temáticas que lle afectan e poidan motivar a ampliación
de coñecementos en determinados temas; sala de ordenadores con
conexión a internet ; sala de xogos de mesa; local de reunións;
clases de teatro. O mantemento e a organización deste espazo farase
en conxunto coa mocidade.
-Establecer
medidas para evitar a precariedade e a explotación laboral.
-Creación de programas de ocio nocturno
saudable alternativo ao “botellón”.
-Implantación de programas de educación
sexual.
PROPOSTAS CONCRETAS
PARA O ÁMBITO DA CULTURA
-Recuperación do Cine
na Rúa para as noites de verán tanto na vila como no rural.
-Definir os prezos das
actividades municipais (escolas deportivas e culturais) en función
da renta, chegando á gratuidade para xente sen recursos.
-Crear
unha base de datos cos grupos e bandas musicais locais coa
finalidade, na medida do posible, de poder contar con elas en
festexos e todo tipo de eventos públicos, remunerandoas dun xeito
digno. Facilitar que as bandas locais poidan ter actuacións no pobo.
-Crear unha base de datos con todas aquelas
persoas, bandas e colectivos que desevolvan unha actividade cultural
na Estrada, co obxectivo de promocionar o noso primeiro temos que
saber o que temos.
-Fomentar e promocionar dende o concello
aos pintores, escritores, músicos.…e todo tipo de manifestacións
culturais que se desevolvan no mesmo, creando unha páxina web con
dito fin ou integrandoa na web do concello.
-Dada a cantidade de grupos e bandas
musicais que existen no concello, axudar a fomentar a creatividade
creando un concurso/premio anual cun nome por determinar e cun xurado
obxectivo.
-Creación dun premio literario para
fomentar a escrita e a lectura entre a infancia e a xuventude.
-Creación dunha base de datos co
patrimonio cultural da Estrada.
PROPOSTAS CONCRETAS
PARA O ÁMBITO DOS DEPORTES
-Planificación e
xestión das instalacións deportivas dun xeito eficiente, onde estén
claramente coordinadas as instalacións e os usos para cada deporte.
-Organizar
trimestralmente unhas “Xornadas de portas abertas para os deportes”
que permitan dar a coñecerer e incentivar a sua posta en práctica.
-Incrementar a
superficie de recreo no entorno da vila , por exemplo no “Camiño
do Regueiro”.
-Facer rutas de
senderismo á beira dos ríos, implicando á xente das parroquias no
seu mantemento.
PROPOSTAS CONCRETAS
PARA O ÁMBITO DO MEDIO AMBIENTE
-Campaña de sensibilización sobre a
importancia da recollida selectiva, a eliminación de residuos, a
importancia de eliminar o uso de agroquímicos perxudiciais para o
ecosistema..etc.
-Fomento do uso da agricultura ecolóxica.
-Mantemento axeitado das depuradoras.
-Establecer unha franxa de seguridade nas
fincas á hora de botar os puríns para evitar que vaian parar aos
ríos.
-Distribución axeitada dos puntos de
recollida do lixo así como da súa recollida.
-A Estrada está incluida dentro do mapa de
concellos libres de transxénicos. Levar a cabo unha tarefa de
vixianza para que realmente se cumpra e que sexa real este compromiso
xa existente.
-Buscar, promover e
utilizar as fontes de enerxía máis eficientes e respectuosas co
noso entorno en calquera ámbito: transporte, iluminación...etc, por
exemplo sustituindo o alumeado público por bombillas LED.
-Educar, animar e no
seu caso axudar ao cidadán e as empresas, a que tomen a senda da
utilización de enerxías limpas e respectuosas co noso entorno,
tentando na medida do posible tender a autosuficiencia enerxética e
a aproveitar os recursos que o noso entorno ofrece nese sentido, e
que por suposto, eses recursos redunden en beneficio do interese
xeral dos habitantes do concello.
A portavoz do Grupo Municipal de Móvete, Mar Blanco Casais, cualifica
estes orzamentos de continuistas respecto aos do ano anterior , e polo
tanto, seguen sen ofrecer solucións aos grandes problemas que teñen xs
veciñxs e o noso Concello. 
